Kryeministri Edi Rama ka ndarë me ndjekësit një video nga fshati Zvinë në Pukë. Kjo zonë është shndërruar në një atraksion mjaft të preferuar nga turistët vendas dhe të huaj. Së fundmi në këtë fshat janë ndërtuar edhe biznese të vogla familjare, të cilat presin turistët.
Zvina është e vendosur pranë Liqenit të Komanit dhe është e arritshme me anije nga të dyja anët e porteve të trageteve Fierzë dhe Koman. Nga portet e trageteve të Komanit nisen anije të rregullta dhe rruga është rreth 40 minuta me anije.
Në këtë zonë ushqimet mund të sigurohen në shtëpitë e pritjes së turistëve që ndodhen në këtë zonë. Vizitorët mund të zhvillojnë shumë aktivitete në këtë zonë si notimi, peshkimi, teksa zona ofron një pamje të mahnitshme duke qenë në kontakt me natyrën e egër.
