Rama poston video me Engjëll Agaçin: Bufi i Kënetës e shpalli në kërkim nga drejtësia, por ai bëri një operacion në zemër

Pas akuzave nga Berisha, kryeministri Edi Rama ka publikuar një video me Engjëll Agaçin, nga zyra e tij. Ky i fundit është Sekretari i Përgjithshëm i Kryeministrisë.

”Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive”,-shkruan Rama.