Kryeministri Edi Rama ka ndarë për ndjekësit në Facebook, shkrimin e revistës së mirënjohur AramcoWorld, që i dedikohet kulinarisë shqiptare. “Promovim aq i bukur i revistës së njohur “AramcoWorld” që shkruan për rilulëzimin e kuzhinës shqiptare me rrënjë mesdhetare dhe një trashëgimi shumë të pasur vlerash, meritë e padiskutuar e gjysheve që i mbajtën gjallë recetat e vjetra dhe të shefave të kuzhinës që u rikthyen në Shqipëri për t’i mbledhur, qëmtuar e ri-interpretuar duke e ngritur në një nivel tjetër trashëgiminë tonë kulinare duke na kthyer në një destinacion gastronomik shumë të dashur”, shkruan Rama në rrjetet sociale.
Revista e mirënjohur AramcoWorld e nis 2024 duke i dedikuar një prej artikujve të saj kulinarisë shqiptare, një pasqyrë e pasurisë së traditave dhe shijeve autentike e cila vazhdon të mbetet një nga thesaret e Ballkanit.
Rikthimi i gatimeve autentike, plot shije dhe traditat e lashta nga shefat e kuzhinës po tërheqin akoma edhe më shumë turistët e huaj për të provuar gatimet tradicionale.
Si një djalë vetëm 15 vjeç, Bledar Kola u largua nga vendlindja e tij nga Shqipëria për të hyrë në Itali me një varkë, ilegalisht, shkruan Tristan Rutherford për revistën më të njohura ndërkombëtare arabe AramcoWorld.