Rama reagon pas votimit të komisionit të Vetingut

Kryeministri Edi Rama ka reaguar votimit në Parlament të komisionit Ad Hoc të vetingut. Në një status në Twitter, Rama thotë se vetingu nuk do të ndalojë. “Procesi i zbatimit të Ligjit të Vetingut nisi me votën e Kuvendit sapo. Mund ta vonojnë po as Vetingun as Shqipërinë nuk e ndalojnë dot”, shkruan Rama.

Parlamenti votoi sot komisionin Ad Hoc të vetingut që përbëhet nga 6 anëtarë, 3 të mazhorancës dhe 3 të opozitës. Në votimin e sotëm parlamentar, nga mazhoranca u votuan Vasilika Hysi, Ulsi Manja dhe Luan Rama. Ndërsa opozita vazhdon bojkotin e parlamentit.