Rama shkon në Kryesinë e Kuvendit, takohet me Metën

Kryeministri Edi Rama pati një takim paraditen e së mërkurës me Ilir Metën, në zyrën e kryetarit të Kuvendit, në selinë e Kryesisë së Kuvendit. Takimi që nisi në orën 09:00, zgjati rreth 1 orë e 30 minuta.

Ky takim vjen pasi qëndrimi i Ilir Metës të hënën, ku kërkoi një qeveri të besimit, që riaktivizoi vullnetin për dialog.

Mbrëmjen e së martës, kryeministri Edi Rama i tha kryetarit të opozitës se ishte i gatshëm për dialog sa herë Partia Demokratike do dialog dhe për gjithçka, kudo e kurdo. Rama i tha Bashës ta caktojë vetë vendin dhe orën.