Rama takon Erdoganin në New York

Presidenti turk, Recep Tayyip Erdoğan, këtë të mërkurë është takuar me kryeministrin Edi Rama. Kreu i qeverisë shqiptare e vizitoi Erdoganin në “Yeni Türkevi Building”, ndërsa takimi zgjati rreth 1 orë.

Ky takim është në vazhdën e takimeve me liderët në Nju-Jork, ku kanë shkuar për të marrë pjesë në punimet e sesionit të 76-të të Asamblesë së Përgjithshme të OKB-së.

Miqësia mes liderëve është e njohur, ku mbështetja e fundit e dhënë nga Turqia është me rindërtimet e banesave që u shembën nga tërmeti i 2019.