Kryetari i PS-së, Edi Rama zhvilloi sot një takim me gratë e vajzat e qarkut Korçë. Sipas Ramës, më 11 maj zgjedhja është mes interesit të një populli dhe kombi të tërë dhe hallit të një njeriu të vetëm.
”Është mes të mirës së përbashkët të një populli të tërë dhe interesit të një familjeje të vetme, midis Shqipërisë me BE-në në Evropë apo me kënetën dhe me bufin e kënetës prapë në gropë. Se kjo ka ndodhur për hir të së vërtetës”. Nga ana tjetër, Raama shtoi se kjo zgjedhje është shumë e qartë se sot për herë të parë qysh nga rënia e komunizmit.
”Asnjë vend që ka dalë nga komunizmi nuk ka mbaruar negociatat me shpejtësinë që kemi ne shansin t’i mbarojmë vetëm 3 vjet dhe ky shans, ky fat na ka ardhur ne sepse BE-ja do të zgjerohet dhe ata që ka më afër pragut të derës janë Shqipëria me Malin e Zi.
Zoti i shqiptarëve ka dashur që në këtë moment kur ne jemi në kohën e duhur dhe në vendin e duhur të bashkojë fatin evropian të shqiptarëve me fatin e Evropës në një. Detyra që duhet të bëjnë shqiptarët është që t’i japin një shtysë shumë të fortë negociatave, sepse të mbarosh ato negociata në 3 vjet është një ҫmenduri, duhet punuar ҫdo ditë, ҫdo ditë”,-tha Rama.