Reagon ambasadori i BE për gjuhën e Metës ndaj Altin Dumanit: Këto sulme nuk janë të denja për një demokraci

Ambasadori i BE në Tiranë, Silvio Gonzato ka reaguar lidhur me sulmet e kreut të Partisë së Lirisë, Ilir Meta, ndaj kreut të SPAK-ut, Altin Dumani.

“Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim dënimin e Këshillit të Lartë të Prokurorisë të deklaratave të fundit të papranueshme publike të drejtuara kundër SPAK-ut. Bashkimi Evropian qëndron pranë magjistratëve dhe profesionistëve shqiptarë të angazhuar në luftën kundër korrupsionit dhe krimit të organizuar”, tha Gonzato.