Reagon Olta Xhaçka për vizat turistike me SHBA-në: Lajm i mirë për të gjithë shqiptarët

Ministrja e Jashtme, Olta Xhaçka, ka reaguar lidhur me zgjatjen e vlefshmërisë deri në 10 vite të vizave amerikane për biznes dhe turistike.

Xhaçka thotë se ky është lajm i mirë për të gjithë shqiptarë dhe një zhvillim i rëndësishëm që do forcojë edhe më tej marrëdhëniet me SHBA-në.

“Lajm i mirë për të gjithë shqiptarët! Vlefshmëria e vizave amerikane biznes dhe turistike është zgjatur në 10 vjet! Një zhvillim i rëndësishëm që do të kontribuojë në forcimin e lidhjeve që na bashkojnë! #100 vjet marrëdhënie diplomatike”, shkruan Xhaçka.