Reagon Rama: Hetim dhe ndëshkim për PD

Kryeministri Edi Rama ka reaguar për herë të parë për akuzat e Partisë Demokratike dhe publikimin e dëshmisë së “Dëshmitarit X”.

Në një koment të shkurtër në Facebook, Rama e cilësoi videon e dëshmitarit si histori të shpikur nga PD, ndërsa ironizon dhe me emrin e selisë ku ndodhet Partia Demokratike.

Komenti i Ramës është bërë pas postimit të deklaratës së Taulant Ballës, i cili është dhe qëndrimi zyrtar i PS-së për dëshminë.

“ERTV Live: Kryetari i Grupit Socialist, Taulant Balla, mbi aktin e dytë të shfaqjes “SHQUPI AUDIOVIDEO. shpik” dhe domosdoshmërinë e hetimit e ndëshkimit të kësaj veprimtarie të paligjshme mashtrimi të opinionit publik”,- shkruan Edi Rama në Facebok.