Reforma Zgjedhore, Gjiknuri dhe Alibeaj bëhen bashkë dhe takojnë drejtuesit e ODIHR-it

Bashkëkryetarët e Komisionit të Reformës Zgjedhore, duket se kanë gjetur gjuhën e bashëpunimit, dhe kanë zhvilluar një takim me drejtuesit e ODIHR-it. Këtë ka treguar deputeti i PS-së, Damian Gjiknuri përmes një postimi në Facebook, ku në foto krah tij shihet Enkelejd Alibeaj. ”Bashkë me kolegun Alibeaj zhvilluam një takim me drejtuesit e ODIHR-it, të cilët i informuam për ecurinë e deritanishme të punës së Komisionit të Posaçëm Parlamentar për Reformën Zgjedhore. U dakordësuam për modalitetet e mëtejshme të punës në fazën e hartimit të drafteve ligjore dhe ndihmën konkrete që do të japë ekspertiza e ODIHR-it”,-shkruan Gjiknuri.