Reportazhi i Rai3, reagon Vasili: Qeveria e Ramës është kthyer në një çirake të Mafias
Nënkryetari i LSI-së, Petrit Vasili në një postim në rrjetin social Facebook ka reaguar lidhur me reportazhin që ka publikuar media italiane Rai 3 ku e nxjerr Shqipërinë, si një nga vendet kryesore për prodhimin e marijuanës, por mbi të gjitha “tokë e një nga mafieve më të egra dhe më të rrezikshme të botës që lufton me Ndraghetan për kontrollin e rrjedhës së kokainës nga Amerika e Jugut dhe kontrollon “opiumin dhe heroinën që nga Afganistani kalojnë nëpër Ballkan.
Vasili shprehet se mafian e mbështet qeveria dhe ky është shkatërrimi i Shqipërisë, të tjerat janë asgjë.
Postimi i plotë i Petrit Vasilit:
Mafian e mbështet qeveria, ky është shkatërrimi i Shqipërisë të tjerat janë asgjë.
E gjithë qeveria Edi Ramës në çdo nivel mbështet dhe është kthyer në një çirake të Mafias.
Ky është fundi i Shqipërisë dhe kjo është tragjedia më e madhe dhe kjo është një zhbërje e vërtetë kombëtare.
Prokurori i AntiMafias Nicola Gratteri i vë vulën lexojeni vete:
“Në Shqipëri ata janë të paprekshëm.
Bëhen të pasur, bëjnë krime.
Mafia në Shqipëri ka mbështettje dhe mbrojtje nga të gjitha nivelet e qeverisë nga ata më të ulëtat e deri më të lartat”, është shprehur publikisht Gratteri për emisionin Narcotica’ ne RAI 3.
KOHA JONË SONDAZH
