Rezoluta për negociatat, Bumçi: Mazhoranca votoi kundër propozimit tonë

Deputeti i PD-së, Aldo Bumçi tha se  mazhoranca ka votuar kundër propozimit të opozitës në Komitetin Parlemantar të Stabilizim Asocimit BE-Shqipëri.

“Në traditën më shumë se 10-vjecari të këtij komunitetit dilet me një deklaratë të përbashkët. Ka raste kur kemi arritur ka raste kur nuk kemi arritur.

Deklarata është e përbashkët kur edhe opozita bie dakord me të. Ata votuan kundër propozimeve tona që lidheshin me zgjedhjet, luftën kundër drogës, problemeve ne krimin dhe kjo solli mosarritjen e një deklarate të përbashkët.

Ata kanë votuar kundër propozimeve tona. Kur në bëjmë një propozim për të përmirësuar një paragraf, paragrafi që nuk merr parasysh propozimin tonë nuk ka më miratimin tonë. Ne nuk kemi dekalratë të përbashkët sepse nuk ka miratimin e opozitës”, tha Bumçi.