Rrëzohet me helikopter ministri i brendshëm i Ukrainës, vdes bashkë me stafin e ngushtë

Rrëzohet helikopteri në kryeqytetin e Ukrainës, 16 persona, mes tyre edhe ministri i Brendshëm i Ukrainës, kanë vdekur pasi një helikopter me të cilin po udhëtonin u rrëzua pranë një kopshti fëmijësh në periferi të Kievit.

Mes viktimave janë edhe 2 fëmijë, ndërsa 10 të tjerë po kurohen në spital. Ministri Denys Monastyrsky ishte me tetë persona në helikopter në momentin e rrëzimit. Gjithashtu kanë vdekur edhe zv.ministri dhe sekretari i shtetit, konfirmuan zyrtarë ukrainas.

Pas rrëzimit të helikopterit, në kopshtin aty pranë ra zjarr dhe fëmijët me stafin u larguan nga godina.

Ja komenti i James Waterhouse, BBC:

Kjo është një skenë shkatërruese- për Kievin dhe vendin në tërësi, në sfondin e një pushtimi në vazhdim.

Mësuam se ministri i Brendshëm i Ukrainës, Denys Monastyrsky është në mesin e të vrarëve nga rrëzimi i helikopterit.

Ai ishte një figurë e shquar në kabinetin e presidentit Zelensky. E shihnim shpesh në ngjarje të mëdha, mjerisht si kjo, në mbarë vendin.

Mënyra për të lëvizur për zyrtarët, VIP-at dhe ekipet e emergjencës është me helikopter në lartësi të ulët për të shmangur raketat e armikut.

Kjo është një ditë e mjegullt. Ai do të kishte fluturuar në lartësi të ulët- por ne nuk e dimë shkakun në këtë fazë. Dhe në kohë luftë, nuk është e dobishme të spekulosh.

Kjo është një goditje shkatërruese për Kievin, të humbasësh një figurë kaq të shquar të qeverisë ukrainase në këtë fazë të luftës.