Safet Gjici: Filloi puna për asfaltimin e rrugës Shtiqen-Aeroport (VIDEO)

Kreu i Bashkisë së Kukësit, Safet Gjici ka parë nga afër nisjen e punimeve për asfaltimin e rrugës Shtiqen-Aeroport. Përmes një postimi në facebook, Gjici shkruan se ”nga dita e djeshme kanë nisur punimet për asfaltimin e segmentit rrugor Shtiqën-Aeroport, një ndër rrugët më problematike që duhej bërë vite më parë, e jo të lënë në harresë një zonë të tërë”.

Postimi i plotë

Ja edhe një tjetër premtim i dhënë nga ne, që më në fund po bëhet realitet për banorët e fshatit Shtiqën.

Nga dita e djeshme kanë nisur punimet për asfaltimin e segmentit rrugor Shtiqën-Aeroport, një ndër rrugët më problematike që duhej bërë vite më parë, e jo të lënë në harresë një zonë të tërë.

Kemi bërë shumë punë të mira bashkë, por kemi akoma për të bërë, sepse qëllimi jonë i vetëm është përmirësimi i infrastrukturës rrugore dhe mirëmbajtjen e qytetit. E gjithë vëmendja për ju! Të gjithë bashkë për Kukësin që duam!