Sali Berisha i bën homazhe Dr. Spiro Leka!

Në një postim në profilin e tij në Facebook, kryetari i Partisë Demokratike, Sali Berisha i ka bërë homazh Dr. Spiro Leka.

“Të dashur miq, Dr. Spiro Leka një humanist i vërtetë që shkriu jetën dhe energjitë e tij në shërbim të pakursyer të qytetarëve të Beratit mbylli sytë përgjithmonë., shkruan Berisha

Duke vijuar ai shton se “Dr. Spiro Leka ishte një kirurg i talentuar, i aftë, që vizitoi, diagnostikoi dhe operoi me përkushtim dhe sukses mijra e mijra të sëmurë gjatë karrierës së tij të gjatë. Ai ishte një prind, bashkëshort dhe qytetar shembullor. Dr. Spiro Leka ishte veprimtar i shquar i Partisë Demokratike dhe një nga themeluesit e degës së PD-së të Beratit. Duke shprehur nderimin tim më të madh dhe mirënjohjen më të thellë për Dr. Spiro Lekën dhe veprën e tij, shpreh ngushëllimet e mia dhe ndaj hidhërimin e kësaj zije me familjen, miqtë e të afërmit e tij dhe të gjithë qytetarët e Beratit, për këtë humbje të dhimbshme dhe lutem së bashku me ta qeë shpirti i tij i mirë të prehet në paqen e merituar.”