Kreu i “Nisma Thurje”, Endri Shabani shpreh besimin se forcat e reja politike do të përfaqësohen në Parlament pas zgjedhjeve të vitit 2025 dhe do të krijojnë një grup parlamentar. A duhet që forcat e reja opozitare të bashkohen? Për të vetëm të bashkuar mund të arrihej diçka, pasi më herët shumë parti dhe kryetarë partish të reja ishin dorëzuar duke u larguar apo dorëhequr.
“Është krijuar mentaliteti, edhe Berisha me të njëjtin mentalitet, thonë s’kam pse iki. Të njëjtën gjë dhe Rama. Shumë janë dorëzuar, janë dorëhequr pas humbjes. Përfaqësues të forcave të reja që janë dorëzuar, kurse ne po rezistojmë. Nuk e kam problem dorëheqjen, a ka më të mirë se unë te nisma, sigurisht që po! Por ideja është të bashkohemi, të rezistojmë dhe vazhdojmë. Kemi marrë pjesë më 2021, më 2023 dhe do marrim pjesë më 2025, nuk jemi dorëzuar dhe kjo ka rëndësi. Është më e lehtë të japësh dorëheqjen se të mos dorëzohesh”, tha Shabani në “Report TV”.
Ai këmbënguli tek njerëzit që duan përfaqësim, ata që janë mërzitur me forcat e mëdha politike me Ramën, Metën, Berishën dhe duan fytyra e njerëz të rinj që i përfaqësojnë. Shabani është edhe kundër qeverisë teknike, pasi siç shprehet ai “u provua më 2017 dhe përsëri ata humbën, Gazment Bardhi ishte ministër dhe prapë humbi”. Po ashtu Shabani theksoi se e kërkojnë për përfitime personale, për të marrë disa sektorë dhe përfituar diçka.
