Shehu: Evitimi i Tiranës nga Pompeo, një “shuplakë” qeverisjes Rama

Sekretari i Shtetit Amerikan, Mike Pompeo, zhvilloi këto ditë një tur vizitash në Maqedoni, Mal të Zi, Greqi dhe Itali. Në axhendën e ngjeshur të kryediplomatit amerikan ra në sy mungesa e një vizite në Shqipëri.

Ish-ministri i Jashtëm, Tritan Shehu shprehet se mos ardhja e Pompeo në Tiranë është një shuplakë për politikat e qeverisë “Rama”.

“Sekretari i Shtetit ndërsa po bën një tur takimesh shume te rëndësishme në Rajonin tonë, duket sikur evitoi Tiranën. Në fakt ai me vizitat e tij në Itali, Mal i Zi, Maqedoninë e Veriut e Greqi “rrethoi” Shqipërinë duke vizituar vendet anëtare të NATO ne Rajon, përveç vendit tone. Shkaqe në fakt ka shumë për ta bërë këtë, janë deformimet e thella të demokracisë sonë, qe ndoshta vetëm Maduro po i realizon”,- shkruan Shehu.

Ish-ministri shton se “devijimet, papërgjegjshmëritë dhe kondicionimet serioze të politikave tona të jashtme dhe rajonale nga faktorë lindore, që po bëhen gjithmonë dhe më shqetësuese për politiken amerikane e për të cilat Sekretari i Shtetit foli qartësisht në Greqi. Dhe kjo vjen mbas vendimit te Bundestagut për procesin tone te integrimit, tashme i bllokuar qe prej vitit 2015”.

Wrapping up my first visit to both Montenegro and North Macedonia today. The United States will continue to support their respective efforts to advance stability, security, and prosperity throughout the region. pic.twitter.com/545HIwfTuO

— Secretary Pompeo (@SecPompeo) October 5, 2019