Zyrtarë amerikanë thanë se udhëheqësit e lartë e SHBA kanë qenë në komunikime të vazhdueshme me zyrtarët izraelitë në ditët që kur Izraeli nisi një sulm masiv ndaj Iranit në një përpjekje për të ndaluar programin e tij bërthamor.
Ata thanë se izraelitët raportuan se kishin një mundësi për të vrarë edhe Udhëheqësin Suprem të Iranit, Ajatollah Ali Khamenei, por Trump ua mohoi planin. Trump ka qenë në komunikime të shpeshta me kryeministrin izraelit Benjamin Netanyahu.
Trump shpreson për një rifillim të negociatave SHBA – Iran mbi programin bërthamor të Teheranit. Bisedimet që ishin planifikuar për të dielën në Oman u anuluan si rezultat i sulmeve. Trump i tha Reuters të premten se “ne dinim gjithçka” rreth sulmeve izraelite.