Sherr grash në PD, Halimi “kapet” me Bregun

Situata në Partinë Demokratike, nuk është aspak e qetë. Pas “akuzave” të Bregut, Selamit dhe Topallit, Basha urdhëroi mbledhjen e grupit.

Pas këtij vendimi, Majlinda Bregu postoi një status në facebook, ku shprehu faleminderit për mbështetjen ndaj, siç e quan “pas alarmit tim në orë të vështira”.

Bregu shprehu keqardhje për kritikat e kolegëve të saj por pikërisht në këtë pikë, kolegia e saj, Arbjola Halimi, reagoi duke “kritikuar”.

Përmes një statusi në ‘Facebook”, Halimi ka ironizuar Bregun duke i kujtuar asaj se nuk di të shkruaj mirë dhe se në statusin e saj ajo ka shkruar me gabime. Madje, Halimi edhe  e këshillon Bregun, duke i shpjeguar gjuhën letrare.

“Për korrigjim. Në gjuhë letrare nuk citohet ‘llaf pa thënë’ por ‘fjalë pa thënë’ ku fjala fjalë është në shumës”, shkruan Halimi.

R.Sh