Deputeti i PS-së, Erion Braçe shpreh revoltën e tij për sherrin masiv që ka ndodhur në Palasë, ku disa persona janë rrahur dhunshëm me njëri-tjetrin, teksa ndodheshin në një lokal në një rezort luksoz në jug të vendit. Ai i bën thirrje autoriteteve policore që të pastrojnë mjedisin publik nga këta persona. Sipas Braçes, këta persona që pretendohet të jenë ”VIP” në fakt janë llumi i shoqërisë, që shkojnë në këto zona bregdetare vetëm për të treguar pushtetin e parave të tyre kriminale, të pakontrolluara nga autoritetet.
”E para-pastroni mjedisin publik nga këta. Këta nuk pushojnë, nuk janë në breg për pushime, por për të treguar e imponuar statusin e tyre VIP-llëkun; këta dhe ato bashkë me këta. Ambientet tona nuk mund të jenë ambjentet e këtyre, nuk mund te jemi bashkë kurrë!
E dyta-pastroni sektorin e shërbimeve nga ky model biznesi, në shumicën e tij edhe informal; është ky biznes që thërret këtë llum dhe paratë e këtij llumi; i përulem çdokujt në bregun e këtij vendi që shëerben për njerëz normale, synon njerëz normal dhe respekton buxhetet e tyre, fiton në këtë mënyrë e ofron qetësi, argëtim e siguri njëherësh; ky është ambjenti jonë.
E treta-shumë bëjnë të gjithë bashkë, police, hetues, prokurorë, gjykatës, kontrollore të tjerë që merren me pasuritë e politikanëve; po me paratë e këtij llumi dhe këtij modeli biznesi do merret kush? Këta pa para nuk janë asgjë, hiç, zero”, shkruan ndër të tjera deputeti socialist”.