”Shmang debatin dhe mbyll platformat e komunikimit”, Topalli: Pse ka frikë Rama?

Drejtuesja politike e PD për Diasporën, Jozefina Topalli pyet pse Rama ka frikë. Këtë ajo e lidh me vendimin e fundit që qeveria mbyll TikTok-un. Për të një pushtet që shmang debatin dhe mbyll platformat e komunikimit, është një pushtet që e di se po humb kontrollin.

Postimi i plotë

Një kryeministër që flet vetëm me veten dhe një qeveri që ka frikë nga debatet!

Ministrat e Ramës nuk guxojnë të dalin në debate televizive. Vetë ai nuk shkon prej muajsh në parlament. Komunikon vetëm duke “biseduar” me komentuesit në Instagram një monolog i mirëorganizuar, sikur flet me pasqyrën.

Dhe sot, në kulmin e fushatës, vendosi të mbyllë TikTok-un sepse e vetmja gjë që e shqetëson më shumë se pyetjet e gazetarëve janë të rinjtë që flasin lirshëm.

Pse tani? Sepse ka frikë nga fjala e lirë. Një pushtet që shmang debatin dhe mbyll platformat e komunikimit, është një pushtet që e di se po humb kontrollin.