Shtrohet për drekë në Shushicë të Elbasanit por familjari i përmend Blushin. Rama: Jemi mirë me qepë e djathë, mos na fut…

Politikë E Premte, 21 Maj 2021 09:16

rekat gju më gju me popullin, kryeministri Edi Rama i ka bërë të shpeshta kohët e fundit. E ndërsa shijon produktet bio dhe rakinë, I pari i qeverisë dëgjon edhe shqetësimet e tyre.

Kështu ka bërë edhe sot ku bashkë me kryebashkiakun e Elbasanit Qazim Sejdiun, deputetin Taulant Balla ai ka drekuar në familjen e një fermeri në Shushicë.

Në tryezën e bukës nuk mungonte rakia, qepët e njoma, domatet e kastravecat e stinës, por as mishi e muhabeti i mirë.
qazimi
Por ndërsa bisedonin, djali i kryefamiljarit e këshillon kryeministrin që në zgjedhet e ardhshme të mos zgjedhë më një deputet si Ben Blushi për Elbasanin. “Vetëm atë Blushin mos e sillni më deputet”,- thotë familjari.

Kryeministri propozon të mos flitet në këtë tavolinë për asortimente që nuk hahen. “Mos na e prish drekën, se jemi mirë me domate e djath mos na e fut Blushin ketu, mos na ngatërro measortimente që nuk hahen”,- tha Rama.