SMS amerikane si presion deputetëve: Voto Reformën ose keni pasoja …!

Nuk ka ndodhur tash 25 vite nje ngjarje e tille, te cilen e ben prezent web i Shkullakut dhe Bushatit. Presion dhe shantazh i hapur.

Ditët e fundit ambasada e SHBA është hedhur në një sulm frontal për të bërë 94 vota pro reformës në rast se konsensusi për votimin e saj nuk arrihet. Përpos takimeve publike që ka bërë ambasadori Lu me disa deputetë të opozitës për tu kërkuar votën kontaktet kanë vazhduar edhe në rrugë të tjera. Ajo që Lu shpalli se udhëheqësit e partive do të njoftohen me pasojat që do të kenë në rast se nuk votojnë, duke u futur në listë të zezë dhe duke u hequr mundësia e udhëtimit në ShBA është vënë në praktikë.

Lapsi ka lexuar mesazhin që i ka mbëritur nga një zyrtar i lartë i ambasadës në Tiranë, një kryetari të një partie të vogël opozitare. Atij në mënyrë brutale dhe arrogante i kërkohej të jepte votën.

Në një sms të dytë thuhej “…i nderuar zoti…Ne ju presim nesër në selinë e ambasadës deri në ora 12 00 për t i’u informuar për pasojat që do të keni nëse nuk votoni pro reformës në drejtësi. Duke ju falenderuar për bashkëpunimin……”

Deri më sot shantazh si ky nuk është bërë kurrë më parë mbi deputetët e zgjedhur nga populli. Të lodhur nga kapriçot, tekat dhe mashtrimet e liderëve përfaqësuesit e Big Brother kanë vendosur të përdorin metodat e tyre për ta kaluar reformën. Burime të pa konfirmuar bëjnë me dije se pak a shumë i njëjti mesazh si ai i është dërguar edhe disa deputetëve të tjerë të opozitës. Ndoshta pikërisht për këtë Ilir Meta foli sot në Kuvend për vota të fituara me shantazhe dhe SMS dhe deklaroi se nëse reforma kalon vetëm me 94 vota sipas kësaj mënyre, ai do ta votojë por më pas do japë dorëheqjen nga kryesimi i kuvendit.

Në lidhje me sms-të që thuhet se ju është dërguar deputetëve nga ana e Ambasadës së SHBA-së në Tiranë, ku ju bëhet presion deputetëve për të miratuar reformën, ka reaguar ish-ministri i PD-së, Genc Pollo.

Në një postim në Twitter, deputeti demokrat, shkruan se është një akt i papranueshëm. Sipas tij kjo është një shkelje e të vlerave euroatlantike. Ai ju ka bërë thirrje deputetëve që ta refuzojnë këtë akt.

Teksti i plotë

“Nëse sms e diplomatit autentike: një akt i papranueshëm; shkelje e vlerave euroatlantike. Madje edhe kontraproduktiv. Duhet refuzuar”.