SPAK dhe BKH në prag të arrestimeve për krimet zgjedhore

SPAK-u po përgatitet për arrestime të bujshme për krimet zgjedhore. Task Forca e saj hetuar prej një muaji e pak duke regjistruar videopërgjime dhe audiopërgjime për pagesa cash për vota.

Një tjetër aksion është ndërmarrë nga Struktura e Posaçme Kundër Korrupsionit dhe Krimit të Organizuar dhe Byroja Kombëtare e Hetimit në kuadër të hetimeve për krime zgjedhore, kjo duke u fokusuar në qytetin e Shkodrës dhe Fierit.

Në Shkodër janë shoqëruar disa persona që dyshohen për përfshirje në veprime të paligjshme gjatë zgjedhjeve të 11 majit. Aksioni është zhvilluar me urdhër të Gjykatës së Posaçme për Korrupsion dhe Krimin e Organizuar dhe ka përfshirë kontrolle personale dhe të automjeteve.

Veprime të ngjashme janë kryer edhe në Fier, në bashkëpunim me Policinë Vendore, lidhur me një tjetër procedim penal në hetim për veprimtari të dyshuar kriminale në kuadër të procesit zgjedhor.

SPAK-u po mbledh të dhëna sekrete nga disa forca politike dhe nga kandidatë e drejtues fushate për implikime në blerje votash.