SPAK do hetojë për Ervis Martinajn me kërkesë të Policisë

Dje Edi Rama tha se Policia e Shtetit do të flasë shumë shpejt për shumë të kërkuarin, Ervis Martinaj. Krerët e Policisë i kanë kërkuar prokurorisë së Posaçme të nisë hetime për të zbardhur fatin e Martinajt.

Krerët e Policisë së Shtetit dhe zyrtarët e SPAK, u kujdesën që takimi mes tyre të mos bëhej publik, duke qenë se ka detaje sekrete.

Mes tyre është diskutuar çështja më e nxehtë e verës, ku është kërkuar të merret në hetim nga SPAK-u, duke qenë se po hetohet nga një prokurori e thjeshtë e vendit. Bëhet me dije gjithashtu se është diskutuar edhe për ish-efektivin Jeton Lami, i cili mund të merret në pyetje rreth kësaj çështje së shpejti. Jeton Lami mbetet një “minierë” informacioni për SPAK, por nëse flet.