SPAK godet rrjetin e madh kriminal, gazetarja Lala: U regjistruan 30 episode të trafikut të kokainës

Gazetarja Klodiana Lala jep detaje nga mega-operacioni i antidrogës, goditur nga SPAK. Ajo tha se SPAK ka goditur rrjetin e madh kriminal pas dëshmisë së të penduarit Nuredin Dumani. Operacioni antidrogë çoi në 51 urdhër-arreste për trafik droge dhe pastrim parash. Grupi kishte bazën në Durrës dhe përfshinte edhe zyrtarë policie. Janë dokumentuar 30 episode të trafikut të kokainës. Në skemë ishin përfshirë edhe bosë të mafies italiane.

”Janë 51 urdhër-arreste. Grupi trafikonte kokainë dhe pastronte para. Ish-polici Altin Morina është anëtar i bandës, ndërsa efektivi tjetër ka akuzën e korrupsionit. Hetimi ka nisur nga SPAK, pas rrëfimit të Nuredin Dumanit. Pas dëshmisë, pas marrjes së komunikimeve të Sky Ecc dhe vëzhgimeve në terren, kanë arritur të identifikojnë grupin kriminal që merreshin me aktivitete kriminale. Grupi kriminal e kishte bazën në Durrës.

Janë vënë nën sekuestro disa shoqëri. Një grup kriminal të rëndësishëm ka pastrimin e parave. Ka në dosje dhe bos të mafies italiane, njëri njihej si “gjyshi”. Paratë vinin me autobus nga linja e udhëtimit të transportit. Janë 30 episode të trafikut të kokainës. Janë lënë të trafikojnë drogë, derisa e kanë zbërthyer gjithë aktivitetin kriminal. Grupi u mbajt në vëzhgim për 5 vite.

Dyshoj se grupi është përfshirë edhe në atentate, kryesisht në Durrës. Ka shumë pasuri të tjera që nuk janë identifikuar. Hetimet vazhdojnë në drejtim të personave, që dyshohet se janë përfshirë në grup kriminal. Hetimi vazhdon. Ka trafik edhe të heroinës e kokainës. Janë goditur grupe, që më herët nuk ishin goditur”,-tha në ”News 24”.