Agim Kajmaku ish-kryetar i Bashkisë së Vorës, që u shkarkua nga KQZ për shkak të dënimit të që kishte marrë në Greqi, është aktivizuar sërish në fushatë për Partinë Socialiste. Disa foto të publikuara në Facebook-un e ministres Elisa Spiroplit tregojnë Kajmakun që shfaqet në gjitha takimet partiake për të mbledhur vota. Fotot janë realizuar me kujdes që Kajmakut të mos shfaqet me fytyrë.
Koordinatori i LSI-së në Vorë, Vojo Bregu thotë se PS ka detyrim që t’ja njohë meriat Kajmakut dhe duhet të mos e fshehë. Brehu thotë se PS i ka premtuar sërish postin e kreut të Bashkisë së Vorës, njeriut që u shkarkua për shkak të mashtroi me formularin e vetëdeklarimit.
“Unë mendoj që Partia Socialiste në Vorë, nuk ka pse të ketë turp, për të nxjerrë në foto, ish kryetarin e bashkisë të shkarkuar nga KQZ, për shkak të ligjit të dekriminalizimit. Ai siç e dinë të gjithë në Vorë, është i angazhuar maksimalisht në fushatë, merr pjesë në mbledhje partie, takime me elektoratin, kështu që PS dhe deputetët e saj, të angazhuar në Vorë, ia kanë borxh ta nxjerrin një herë të vetme me fytyrë në foto. P.S. Shpresojmë mos ta lajnë borxhin duke e bërë prapë kryetar bashkie siç i kanë premtuar së fundmi”,– shkruan Bregu në një postim në Facbook.
