Statusi i Ramës për Ali Pashën, reagon Kotzias: Çliroje mendjen nga burgu

“Jemi në një kohë që disa e shkruajnë historinë me mënyrën e tyre”, është shprehur Ministri i Jashtëm grek, Nikos Kotzias duke iu referuar statuseve të fundit të kryeministrit Edi Rama.

Shefi e diplomacisë greke, iu referua një statusi në “Facebook” të kryeministrit shqiptar, Edi Rama më 24 janar, kushtuar Ali Pashë Tepelenës.

Komenti i plotë i Kotzias

“Jemi në një kohë që disa e shkruajnë historinë me mënyrën e tyre. Që nga Rama që zbuloi Akropolin dhe se Ali Pasha kreu revolucionin e 1821-shit, e deri te presidenti i ri i Parlamentit Europian. Historia është një fushë beteje dhe duhet të përdoret si shkollë për të nxjerrë mësime dhe jo si burg, ku të burgoset mendja jote”.