Sulmi iranian ndaj Izraelit, Begaj: Çdo përshkallëzim mund të rrezikojë paqen dhe sigurinë në Lindjen e Mesme

Presidenti i Republikës, Bajram Begaj thotë se Shqipëria dënon sulmin e paprecedentë të Iranit ndaj Izraelit dhe se çdo përshkallëzim i mëtejshëm mund të rrezikojë paqen dhe sigurinë në Lindjen e Mesme.

“Shqipëria dënon ashpër sulmin e paprecedentë të Iranit ndaj Izraelit dhe shpreh shpresën e saj se nuk do të ketë përshkallëzim të mëtejshëm. Çdo përshkallëzim i mëtejshëm mund të rrezikojë paqen dhe sigurinë në Lindjen e Mesme dhe të ketë efekte të pakthyeshme në një shkallë më të gjerë”, shkruan ai në reagim.