Sulmi në Paris, vetëm tre ditë para zgjedhjeve presidenciale

Dy oficerë të policisë franceze janë qëlluar me armë zjarri në qendër të Parisit, prej të cilëve njëri ka vdekur.

Sulmi ka ndodhur vetëm tri ditë para rrethit të parë të votimit në zgjedhjet presidenciale të Francës.

Siguria është e lartë para votimit, pasi policia ka thënë se ka arrestuar dy meshkuj të martën, për të parandaluar një sulm terrorist.

Dy të dyshuarit për terrorizëm janë arrestuar në Marsej të martën – policia ka gjetur një arsenal armësh dhe pajisje për krjimin e bombave në banesën e tyre, si dhe një flamur të ISIS-it.