Tabaku dhe Gjekmarkaj, debate me deputetët e PS-së: Turp që përjashtuat opozitën!

Mbledhja me dyer të mbyllura e konferencës së kryetarëve është shoqëruar me debate mes deputetëve të opozitës dhe mazhorancës.

Jorida Tabaku dhe Agron Gjekmarkaj e kanë konsideruar të turpshëm vendimin e Komisionit të Etikës për përjashtimin e 8 deputetëve opozitarë pasi bllokuan Kuvendin, duke mos lejuar votimin e Reformës Zgjedhore.

“Përjashtimi i deputetëve të PD-së i turpshëm. Seanca u bllokua për një kërkesë legjitime që ju e refuzuat. Ju na keni kufizuar hapësirat. Vendimi erdhi pasi ju refuzuat të fusni në rend një kërkesë të grupit tonë. Nuk cenuam askënd fizikisht, ishte formë demokratike proteste”, u shpreh Tabaku.

“Është turp që keni përjashtuar opozitën nga seanca. Ky është vendim arbitrar dhe i turpshëm. Më kujtohet nje slogan juaji “Shqipëria që duam” dështuat ta bënit këtë. Tani po bëni “opozita që duam”. Akti ynë ishte simbolik”, tha Gjekmarkaj.