Tanket tërhiqen nga aeroporti “Ataturk”, pas daljes masive të qytetarëve

Turqit kanë dalë para aeroportit “Ataturk” të Stambollit dhe kanë kërkuar që të largohen tanket e ushtrisë.

Ushtria turke hyri në aeroport me qëllim të marrjes nën kontroll të ndërtesës.Por tanket janë tërhequr nga hyrja e aeroportit pas daljes së një mase të madhe të qytetarëve.

Presidenti i Turqisë, Rexhep Taip Erdogan ka dalë në një konference për median rreth orës 23:50 minuta.

Nga një vend ende i paidentifikuar Erdogan i ka bërë thirrje popullit që të dalë në rrugë kundër kësaj që po ndodh.

“Të gjithë ata të cilët po tentojnë të marrin nën kontroll në Turqi nuk kanë miratimin e popullit turk dhe të qeverisë.

Askush nuk mund të dalë mbi këtë shtet, mbi ata 45 milionë njerëz që kanë votuar për këtë qeveri.

Nuk ka asgjë për tu larguar nuk ka asgjë për tu trembur”, u shpreh Erdogan në deklaratën për median.