Uji i Ftohtë i Tepelenës, një perlë që shndrit në gjerdanin e turizmit shqiptar

“Uji i Ftohtë Tepelenë, deri dje një vendndalim autobusash për të njomur fytyrën, sot një destinacion turistik me një hotel të ngritur plot shije nga duart e një emigranti, ku vizitorë nga tërë bota rezervojnë ditë pushimi.” shkruan në rrjetet sociale, Kryeministri Rama, i cili e promovon këtë përvojë si një shembull, se si puna dhe përkushtimi, besimi te përmbushja e ëndrrave, mund të shndërrojë një bukuri të fshehur në një perlë që shndrit në gjerdanin e turizmit shqiptar.
I njohur për ujin e tij të ftohtë dhe freskues, ai është kthyer në një vend të preferuar si për vendasit ashtu edhe për turistët. Uji nga ky burim vlerësohet shpesh për pastërtinë dhe shijen e tij dhe konsiderohet si një nga ujërat më të mirë të pijshëm natyrorë në Shqipëri. Zona përreth është piktoreske, me gjelbërim të harlisur dhe male, duke e bërë atë një vend të këndshëm për t’u vizituar për një pushim freskues, veçanërisht gjatë muajve të verës.
Albert Vataj