Varianti ”djallëzor” i Covid-19/ Ekspertët: 11 herë më vdekjeprurës

Bota tani është në luftë edhe me rastet e reja të virusit vdekjeprurës. Ekspertët amerikanë besojnë se varianti kalifornian i Covid-19 është jo vetëm më infektues se të gjitha mutacionet e tjera deri tani, por sipas tyre ai gjithashtu mund të jetë deri në 11 herë më vdekjeprurës.

Varianti ”djallëzor” mund të dobësojë edhe efikasitetin e vaksinave. Ky mutacion i pagëzuar si B.1.427/B.1.429 është diktuar në Kaliforni për herë të parë këtë dimër.

Varianti i ri ka më shumë të ngjarë të shkaktojë një formë të rëndë të sëmundjes “përfshirë një rritje të rrezikut për marrjen e sasive të mëdha të oksigjenit prej personave të prekur”. Ai është pjesërisht rezistent ndaj antitrupave që mund ta luftojnë dhe neutralizojnë virusin.