Deklaratat e ministres së Drejtësisë Etilda Gjonaj kanë shkaktuar reagimet e para në radhët e opozitës.
Nënkryetari i Lëvizjes Socialiste për Integrim, Petrit Vasili përmes rrjeteve sociale teksa publikon të gjitha dokumentat që sipas tij janë falsifikuar nga Ministria, i bën thirrje Etilda Gjonajt të largohet sa më parë nga detyra.
Nga ana tjetër, Vasili shpreh habinë e tij se si SPAK-u ende nuk ka nisur hetimet mbi akuzat publike ndaj Gjonajt.
Reagimi i Vasilit
Nuk e mori SPAK-u akoma këtë mashtruesen e Ministrisë së Drejtësisë!
Akoma pret SPAK-u për ta marrë këtë.
Akoma s’ka ikur kjo nga sytë këmbët.
Mashtruesja ministre falsifikon shkresat me mafiozët e Ministrisë së Drejtësisë ditën për diell dhe del e kakaris si gjeli mbi pleh.
Mashtruesja firmos rrugaçërira shtetërore si e marrë se ja kërkon i marri.
Mbahu mashtruese, mbahu, nuk ke pare gjë akoma…..
Është shumë e rëndë kjo histori, nuk është punë golash….
Shihi mashtruese edhe njëherë falsifikimet dhe ik sa s’është vonë!
