Vendimi i parë i Aleanca Popullore për Drejtësi: Çdo zyrtar i yni do hapë dosjen e tij

Partia më e re në spektrin e djathtë, Aleanca Popullore për Drejtësi, ka marrë vendimin e parë. Kryesia e kësaj partie u ka kërkuar të gjithë zyrtarëve të saj të hapin dosjet e tyre dhe të dorëzojnë dëshminë e penalitetit.

“Kryesia, në mbledhjen e saj të parë, pasi shqyrtoi gjendjen aktuale të kriminalizimit dhe prezencës masive të individëve në lidhje me organet e diktaturës komuniste, vendosi:

-Të gjithë anëtarët e Këshillit Kombëtar të APD-së, duke përfshirë anëtarët e Kryesisë,

-Drejtuesit e ardhshëm të Strukturave të APD-së në Shqipëri dhe në Diasporë,

-Kandidatët e ardhshëm për zgjedhjet parlamentare,

-Drejtuesit e Departamenteve të APD-së

Duhet të dorëzojnë kërkesën brenda muajit shkurt 2017 për hapjen e dosjeve të tyre dhe për dorëzimin e dëshmisë së penalitetit”,- thuhet në vendimin e firmosur nga Sekretari i Përgjithshëm, Orkid Spahiu dhe kryetari Bilal Kola.