Vendimi i qeverisë: Hapet misioni i përhershëm i Shqipërisë në Bashkimin Europian

Qeveria ka marrë vendimin për hapjen e Misionit të Përhershëm i Shqipërisë në Bashkimin Europian.

Vendimi i qeverisë:

HAPJEN E MISIONIT TË PËRHERSHËM TË REPUBLIKËS SË SHQIPËRISË PRANË BASHKIMIT EVROPIAN

Në mbështetje të nenit 100 të Kushtetutës dhe të pikës 1, të nenit 21, të ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

1.Hapjen e Misionit të Përhershëm të Republikës së Shqipërisë pranë Bashkimit Evropian.
2.Shpenzimet për hapjen e këtij misioni përballohen nga buxheti i miratuar për Ministrinë për Evropën dhe Punët e Jashtme, për vitin 2025.
3.Ngarkohet Ministria për Evropën dhe Punët e Jashtme për zbatimin e këtij vendimi.
Ky vendim hyn në fuqi pas botimit në “Fletoren zyrtare”.