VIDEO/ Rama: Superfestë në aeroportin “Nënë Tereza” nga tifozë të Kombëtares e turistë të huaj

Tifozët kuqezi ndezin’ atmosferën në Rinas, përpara se të mbërrijnë në Gjermani, për të ndjekur në stadium sfidën e madhe Itali-Shqipëri për ”EURO 2024”. Festës së tifozëve kuqezi iu bashkuan edhe turistë të shumtë, që kanë vizituar Shqipërinë dhe që u ndodhën në aeroport.

Momentet e bukura janë postuar edhe nga kryeministri Edi Rama. ”Superfestë në aeroportin “Nënë Tereza” nga tifozë të Kombëtares e turistë të huaj”,-shkruan Rama.

Në Mynih të Gjermanisë nis sonte në mbrëmje kampionati i 17-të Evropian i futbollit. Për Shqipërinë është hera e dytë që kualifikohet në Kampionatin Evropian, pas atij të 2016. Ekipi kuqezi do të ndeshet nesër me Italinë në orën 21:00 në stadiumin “Signal Iduna Park”, në Dortmund.