Shi i rrëmbyeshëm po bie në disa qytete të vendit, përfshirë edhe Tiranën. Në videon e mëposhtme dërguar redaksisë ”Koha Jonë”, raportohet për përmbytje në aksin që të çon në TEG.
Për shkak të shiut intensiv disa rrugë në Tiranë janë mbuluar nga uji, duke sjellë vështirësi në qarkullimin e automjeteve dhe qytetarëve.
Meteorologia Lajda Porja tha sot se rrebeshe shiu pritet të ketë në zonat malore, në juglindje dhe verilindje të vendit. Por ajo shtoi se do të ketë reshje shiu edhe në qytetet e tjera.
Moti i keq ka bërë që një rrufe të bjerë në malin e Dajtit në Tiranë. Këtë gjë e ka bërë të ditur gazetari Ilirjan Agolli me anë të një foto nga momenti i rrufesë.
