Viktor Tusha ndez Mirditën, qytetarët përkrah LSI-së: Votoni të ardhmen e duhur

Kryesuesi i listës së kandidatëve për deputetë të Lëvizjes Socialiste për Integrim për qarkun e Lezhës, Viktor Tushaj, zhvilloi sot një takim madhështor në Mirditë, ku është pritur me entuziazëm dhe ovacione nga mbështetës të LSI-së dhe banorë të shumtë të këtij qyteti.

Në takimin e zhvilluar me ta, Tushaj i njohu me programin qeverisës së LSI-së, në themel të së cilit është ekonomia e shqiptarëve dhe nxjerrja e vendit nga gremina ku e ka çuar sekti i rilindjes që udhëhiqet nga Edi Rama.

Ndërkohë, më herët gjatë ditës së premte, përmes rrjeteve sociale, kandidati i LSI-së për deputet në Qarkun e Mirditës do të shprehej se edhe 9 ditë e ndajnë vendin dhe nga dita për të bërë Lezhën shtëpinë e fëmijëve tanë.

“9 ditë na ndajnë nga dita për të bërë Lezhën shtëpinë e fëmijëve tanë.

Voto të ardhmen e duhur!

Voto Nr. 1, Viktor Tushaj!”, thekson në mesazhin e tij kandidati i LSI-së në Qarkun e Lezhës, Viktor Tushaj.