Vincenzo Del Monaco, ambasadori i ri i OSBE në Tiranë

Diplomati italian Vincenzo Del Monaco do të jetë kreu i ri i OSBE në Tiranë. Lajmi për emërimin e tij është dhënë nga Zyra e Prezencës së OSBE në Itali.

Vincenzo Del Monaco është një diplomat karriere i Ministrisë së Jashtme Italiane që ka mbajtur detyra të rëndësishme që pas vitit 1997.

Në vitin 2001 ka mbajtur detyrën e Sekretarit të Parë Ekonomik dhe Tregtar në Kinë.  Në vitin 2005 ka shërbyer si Përfaqësuesi i Italisë në BE. Në vitin 2009 ka mbajtur funksionin e Sekretarit të Përgjithshëm të Presidentit të Republikës në Itali.

Gjatë vitit 2013 emërohet Ambasador në Mal të Zi. Ndërsa që prej vitit 2018 ka mbajtur detyrën e Ambasadorit të Italisë në Armeni.

A very Italian “in bocca al lupo” to Amb. Vincenzo Del Monaco, the newly-appointed Head of the @OSCE Presence in #Albania. 🇮🇹 wishes you the best success in your new capacity, for the benefit of the Albanian government’s reforms agenda and Albanian people @OSCEinAlbania pic.twitter.com/LsXRRvQ30g

— Italy at OSCE (@ItalyatOSCE) September 30, 2020

Vincenzo Del Monaco vjen në krye të OSBE pas përfundimit të mandatit të Bernd Borshard. Ky i fundit do të mbahet mend për gjestet fyese që bëri ndaj protestuesve të Astir dhe për mos reagimin institucional gjatë zgjedhjeve moniste të 30 qershorit 2019, si dhe për heshtjen e Prezencës së OSBE në shumë akte jo të ligjshme të qeverisë “Rama”.