Ka nisur prej disa orësh numërimi i votave preferenciale për kandidatët, ku bien në sy diferenca mes pëlqimeve të votuesve, dhe renditjes së kandidatëve nga partitë.
Në Tiranë, deri në orën 13:00, listën e PS e kryeson Belinda Balluku, me mbi 3100 vota, e ndjekur nga ish-ministri i Brendshëm, Fatmir Xhafaj, me 1292 vota. Pastaj Elisa Spiropali me 790 vota.
Në radhët e Partisë Demokratike në kryeqytet listën e kryeson Belind Këlliçi, me mbi 1300 vota, ndjekur nga kryetari i PD, Basha, me 821 vota dhe Agron Shehaj me mbi 500 vota.
Listën e Lëvizjes Socialiste për Integrim në Tiranë, ku kjo parti siguroi vetëm dy mandate, e kryeson Floida Kërpaçi, e renditur e 7 në listë, me 257 vota, ndjekur nga Përparim Spahiu me 156 vota dhe Monika Kryemadhi me më pak se 100 vota.