Nënkryetarja e LSI-së, Erisa Xhixho në emisionin “Java” në RTSH, tha se përçarja e opozitës është shpresa e fundit e Edi Ramës. Sipas saj, opozita është më e bashkuar se kurrë. ”Ka ardhur koha që të shkëputemi nga tranzicioni 30-vjeçar i problematikave në proceset zgjedhore ndaj dhe garantimi i zgjedhjeve të lira dhe të ndershme, siç ndodh në çdo vend europian është një detyrim që ja kemi qytetarëve dhe një kusht për të avancuar në procesin e Integrimit Europian të vendit”.
Pak ditë më përpara duket se Rama në mënyrën e tij të zakonshme si një xhongler që heq kapelën dhe heq kapelën nxori një propozim tjetër dhe tha që unë nuk e shikoj si të çuditshëm një bashkëqeverisje me Lulzim Bashën, ju tremb ju një konfigurim i ndryshëm i politikës shqiptare, pra 2 armiqtë e mëdhenj në një moment të caktuar bëhen bashkë dhe lënë një parti si tuajën në opozitë?
Këto janë vetëm shpresat e fundit të Edi Ramës, për të përçarë opozitën që nuk ja ka arritur në gjithë këto vite. Opozita është e bashkuar ka nenshkruar një marrëveshje më 20 prill 2019. Opozita është më e bashkuar se kurrë dhe besoj se koalicioni opozitar është i pa kthyeshëm tashmë në zgjedhjet e ardhshme dhe kjo është frika më e madhe e Ramës.
Një opozitë e bashkuar e cila do të zgjerojë koalicionin edhe me individ të tjerë edhe me forca të tjera politike të majta, garanton fitore të padiskutueshme në zgjedhje dhe Rama këtë e di shumë mirë, ndaj dhe shpreh aludime të tilla.
Padyshim opozita do të duhet të përzgjedhi kandidatë me integritet me vlera intelektuale dhe njerëzore për t’i rikthyer Parlamentit si institucioni më i rëndësishëm përfaqësues i qytetarëve dinjitetin që meriton. Nga ana tjetër programi ekonomik i fokusuar në çlirimin e ekonomisë nga oligarkët, nxitjes së ekonomisë duke ulur taksat e duke respektuar parimet e ekonomisë së tregut, do jenë armët kryesore që do të rikthejnë shpresën e besimin që nëpërmjet fuqisë së votës së qytetarëve e jo bandave dhe krimit të organizuar të lidhur me politikën mund të vi ndryshimi i vërtetë për vendin.
Ka ardhur koha që të shkëputemi nga tranzicioni 30-vjeçar i problematikave në proceset zgjedhore ndaj dhe garantimi i zgjedhjeve të lira dhe të ndershme siç ndodh në çdo vend europian është një detyrim që ja kemi qytetarëve dhe një kusht për të avancuar në procesin e integrimit europian të vendit.