Ambasadorja Yuri Kim sfidon të ftohtin e Tiranës; ecje, muzikë dhe gështenja (VIDEO)

Ndonëse në temperatura të ulëta, nën minus, që kanë mbërthyer çdo cep të Shqipërisë, ambasadorja e Shteteve të Bashkuara të Amerikës, Yuri Kim ka shfrytëzuar maksimalisht të dielën. Në Tiranë minus 6 gradë arriti ngrica, ndërsa gjatë ditës plus 6 gradë kapi maksimumi. Por Yuri Kim nuk mungon në jetën sociale të shqiptarëve.

Ajo mbetet sportive në jetën e saj.

Sot kryediplomatja amerikane ka zgjedhur qendrën e kryeqytetit dhe zonën e Liqenit, për të shëtitur me miqtë dhe për të takuar disa qytetarë. Kim nuk ka harruar të përkujtojë 553 vjetorin e vdekjes së Heroit Kombëtar, Gjergj Kastriot Skënderbeu.

Ambasadorja është treguar e kujdesshme dhe ka respektuar rregullat për frenimin e pandemisë, duke mbajtur maskën, teksa është ndalur te një shitës gështenjash dhe tek një i ri që performonte muzikë në rrugë.

Ajo pëlqehet nga publiku, falë edhe bukurisë së saj fizike dhe mesazheve politike që ajo jep, pa ndrojtje.