Zgjedhjet e 14 majit/ Grupi i Enkelejd Alibeajt çon në KQZ propozimet për anëtarë të KZAZ-ve

Grupi i Enkelejd Alibeajt ka dorëzuar në KQZ, listën e plotë të propozimeve për anëtarë të KZAZ-ve për zgjedhjet e ardhshme vendore.

Mësohet se ka qenë Gazment Bardhi i cili ka dorëzuar në KQZ listën e plotë të propozimeve për anëtarë dhe sekretarë të KZAZ-ve.

Ditë më parë, edhe PL edhe PD depozituan në KQZ listën e propozimeve për anëtarë të KZAZ-ve.

Kreu i KQZ-së Ilirjan Celibashi ka deklaruar se në momentin që do të vijnë propozimet për anëtarë të KZAZ, do të vlerësohet legjitimiteti i atij personi që në emër të PD paraqet këto propozime.