Zgjedhjet lokale, PS për Fierin propozon Koçin, Subashin dhe Bushin

Ervin Koçi, Armando Subashi dhe Xhavit Bushi janë tre emrat e bazës së Partisë Socialiste në Fier për kandidatë të Bashkisë së këtij qyteti në zgjedhjet lokale të 21 Qershorit.

Në takimin me bazën në qytetin e Fierit gjatë propozimeve për kryetar Bashkie ishte dhe kreu i grupit parlamentar të Partisë Socialiste Gramoz Ruçi.

Edhe në Lushnje, pasditen e sotme në mbledhjen e PS janë propozuar emrat për Bashkinë e Lushnjës dhe Divjakës.

Për Lushnjën propozohen Arben Cuko, Fatos Tushe, Bujar Cela dhe Astrit Xheka. Ndërsa për Divjakën propozohet të rikandidojë Alfred Kokoneshi.