Zgjedhjet në Kurbin me një kandidat, KQZ heq Ilir Pjetrajn

Komisioni Qendror i Zgjedhjeve me 4 vota pro dhe 3 kundër ka pranuiar ankimimin e Partisë Socialiste ndaj vendimit të KZAZ Kurbin, në lidhje me regjistrimin e kandidatit të ri të Partisë Demokratike për Bashkinë e qytetit, pas dorëheqjes së Altin Bibës.

Përfaqësuesi ligjor i Partisë Socialiste Genc Gjonçaj mbrojti në KQZ kërkesën ankimore të socialistëve.

Sipas PS-së “regjistrimi ishte i jashtëligjshëm dhe duhej shfuqizuar vendimi KZAZ pasi dokumentet për kandidatin Pjetrajt ishin paraqitur me 13 maj dhe ky veprim është në kundërshtim me Kodin Zgjedhor”

Më 14 maj KZAZ-ja e Laçit zyrtarizoi kandidaturën e Ilir Pjetrit, i cili aktualisht është kryetar i Bashkisë së Mamurrasit.