Zgjedhjet Presidenciale/Biden udhëheq me 237 vota, Trump 213

Edhe pse nuk ka mbaruar numërimi i votave, kandidati demokrat për President, Joe Biden deri më tani ka marrë 237 vota elektorale, kurse kundërshtari, presidenti aktual, Donald Trump është me 213 vota elektorale.

Biden thotë se rezultatin final të zgjedhjeve e vendos veç populli amerikan.

“Ne jemi duke vendosur mbrojtje për zgjedhjet. Donald Trump nuk vendos për rezultatin zgjedhor. Rezultatin final të zgjedhjeve në SHBA e vendos vetëm populli amerikan”, shkruan Biden. Ky reagim ka ardhur pasi Donald Trump më herët ka deklaruar se “zgjedhjet janë të vjedhura”. Stafi i Trump ka kërkuar rinumërim të votave në Wisconsin.