Zëvendëskryeministri Erion Braçe ka publikuar ditën e sotme disa foto mjaft të rralla të vitit 1992, me figurat e Partisë Socialiste të asaj kohe.
Me një postim të gjatë në faqen e tij në Facebook, Braçe, poston foto nga kujtimet e atyre kohëve, ndërkohë që falënderon me emra gjithë mbështetësit në ato ditë të vështira.
Braçe shprehet se do të jetë gjithmonë mirënjohës
Postimi i plotë i Braçes
#15JANAR
PREJ ASAJ DITE,
NJË JETË E JETUAR SI I MAJTË!
Sot është thjesht zgjedhje, por në #15JANAR1992 nuk ishte e tillë, nuk lejohej të zgjidhje majtas.
Habi ëëëë?
E vërtetë është, ishte vendosur pluralizmi, liria e të menduarit, të shprehurit, liria e zgjedhjes, por jo majtas;
Nuk ishte bullizëm, ishte luftë!
Ndaj, zgjedhja për të qenë #eurosocialist, i ri dhe i majtë, nuk ishte përpjekje për një tjetër organizatë partie, por një akt lirie në demokraci!
Unë i jam shumë mirënjohës çdo djali e vajze që ishte pjesë atë ditë e para saj deri në 15 janar, më pas patjetër;
I jam mirenjohës çdo burri e gruaje në Partinë Socialiste që hapi dyert dhe u kujdes për secilin ndër ne duke nisur nga Fatos Nano e Servet Pellumbi, Namik Dokle e Luan Hajdaraga, Sabit Brokaj e Ethem Ruka, Maqo Lakrori, Ermelinda Meksi e Arta Dade etj, posaçërisht, mirënjohës për disa burra që ishin edhe më pranë, marrë përdite me organizimin tonë, Halil Lalaj, Ndre Legisi dhe Musa Ulqini.
Pa ta do ishte e vështirë për të gjithë, nga Pandi, Iliri, Zela, Luzhi e deri tek çdonjëri që bëri zgjedhjen e fortë ne 15 janar 1992, një akt i ndershëm lirie!
I jam pafund mirënjohës familjeve të çdo djali e vajze që për shkak të zgjedhjes së fëmijëve të tyre, u përndoq siç Hitleri përndoqi hebrenjtë, nga i njëjti fashist që bën edhe sot të njëjtën gjueti!
Fotot;
- Është e rëndësishme ta nisesh me fitore; diku mes Beratit, Kuçovës, Urës e Lushnjës, pas mitingut elektoral të zgjedhjeve të para lokale të fituara prej PS.
- Në një dite si kjo, 15JANAR më një mikpritës të lindur, aq pranë çdo të riu në PS, Fatos Nanon.
- Një urë drejt Evropës për të majtën shqiptare, atëkohë kur Fressh priste e kominikonte edhe me Partinë Socialiste Evropiane.
- Në të parin e të fundit akt të paster besimi kur Partia Socialiste pranoi ne sistem maxhoritar një listë me të rinj eurosocialistë të cilët i kandidoi për deputetë në zona njëemërore; Unë njëri ndër ta!
Unë e nisa kështu dhe më #15JANAR
#MIRËNJOHËS
